КАКО ДА ГО НАДМИНЕТЕ СТРАВОТ ОД ПОЧНУВАЊЕ СОПСТВЕН БИЗНИС

Многу  од нас сме размислувале на темата за започнување сопствен бизнис, но за жал повеќето многу брзо се откажуваат од нивните соништа и амбиции.
Главната причина? Стравот.

Стравот од почнување сопствен бизнис е главната пречка на патот кон успехот. Колку и да е генијална првичната идеа, ако таа никогаш не се реализира, едноставно е безвредна. Многу луѓе се наоѓаат во ситуација да речат дека ја имале истата идеа, зборувајќи за некој успешен бизнис. Главна причина зошто не ја реализирале, обично е стравот од неуспех. Да, тоа е главната причина зошто толку многу бизнис идеи се неуспешни уште од старт.

Главен темел на бизнисот е ризикот. За да можеш да почнеш да заработуваш од својата идеа, прво мора да вложиш многу труд, време и пари. Потенцијалната насока за неуспех која лежи на патот кон успехот, значи дека сé што сте вложиле би било, не само безвредно туку и контрапродуктивно. Но, цел тој страв потекнува од една песимистичка перспектива, па затоа, бизнисот бара оптимисти. Луѓе кои се природни решавачи на проблеми, спремни да возвратат на се што би го насочило нивниот бизнис кон неуспех.

Еден од најлесните начини да го надминете стравот од започнување сопствен бизнис е креирање на бизнис план. Бизнис планот би опфатил сé, од број на инвестиции, вашата целна публика, очекуван профит, маржа, итн. Добриот бизнис план би ви покажал како вашиот бизнис би фукнционирал и колкави се вашите шанси за успех.

Најважниот фактор за успехот на вашиот бизнис сте едноставно вие. Вашиот целокупен фокус мора да биде насочен кон остварувањето и успешното функционирање на вашиот нов бизнис. Тоа значи дека ќе морате да се откажете од сé што ве тера да одложувате или да губите време. Вашата посветеност и пожртвуваност ќе ви се исплатат неколку години подоцна и тогаш навистина ќе си бидете благодарни себеси за надминување на вашиот нерационален страв.