Волшебни сказни на балканските народи – избор

Народните сказни, познати уште како и фантастични или волшебни сказни односно приказни, се најинтересни, најпривлечни и најсакани за детската читателска возраст. Неизмерен, раскошен е светот на сказната; нејзините јунаци се одликуваат со најразновидни умствени и телесни способности и можности. Покрај човекот, кој е централен лик во овие народни раскажувања, како главни јунаци се јавуваат и митолошките созданија: змејови, ламји, самовили, маѓепсници, вештерки, зли духови, русалки и ѓаволи.