Спас – Исидора Бјелица

Ништо, баш ништо на овој свет не е случајно и сè се случува со причина.

Новата книга на Исидора Бјелица е запис на душата во најтешките животни моменти, до суровост искрено искажување на чувствата и мислите од моментот кога дознава дека боледува од неизлечливата болест. Таа е литературен холограм на нејзината душа и на талкањето на телото со најтешката дијагноза, кои потрагата по спас ги води преку Париз, Флорида, Индија, Шри Ланка, па до чудесниот остров Егина, домот на свети Нектариј, православен светец и исцелител.

Спас е ултимативна книга за спасување на телото и душата која не може да се спореди со ниту една друга книга по искреноста и емоциите, но и по многубројните тајни и рецепти што ни ги открива.

„Спас“ е моја лична, мала иницијациска книга, моја голгота, пат на моето телесно страдање и напор кон душевно воскреснување… Со секоја болка, со секоја тага, паралелно оди и ново откривање на среќата, радоста, на благодатта коишто, за жал, ги загубив поради својата негрижа, и на тој начин го добив ова најтешко искушение…